တစ်ခါတစ်လေ ပြုံးလိုက်ပါ

ဇီဇာကြောင်တဲ့သူဌေးနဲ့ ကပ်သီးကပ်သပ်ဝန်ထမ်း သူဌေး ..... "မင်းသုံးနေတဲ့ကွန်ပြူတာက ကုမ္ပဏီက ကွန်ပြူတာပါ။ ဒီကွန်ပြူတာမှာ မင်းရဲ့ကိုယ်ရေးကိုယ်တာတွေ မသိမ်းထားပါနဲ့။ မင်းမိန်းမဓာတ်ပုံ၊ မင်းကလေးဓာတ်ပုံတွေကိုလည်း မသိမ်းထားပါနဲ့။ ဒီဓာတ်ပုံတွေကြည့်ပြီး မင်းကောင်းကောင်း အလုပ်မလုပ်ဘူး" ဝန်ထမ်း..... "ဒီလိုဆိုရင် ကျွန်တော့်အိမ်ကကွန်ပြူတာနဲ့ ခင်ဗျားအလုပ်တွေကို မလုပ်ခိုင်းနဲ့။ မီတာအတက်တော့ ကျွန်တော်မခံဘူး။ ရုံးချိန်မဟုတ်တဲ့အချိန်မှာ ကျွန်တော်လက်ထိပ်တွေ ပိုလို့တောင် အပွန်းမခံနိုင်ဘူး" သူဌေး........ "ရုံးချိန်အတွင်း မင်းရဲ့ကိုယ်ပိုင်အလုပ်တွေကို မလုပ်ပါနဲ့။ ဥပမာ- လက်သည်းညှပ်တာတို့၊ ဆံပင်ဖြီးတာတို့... " ဝန်ထမ်း ..... "ကျွန်တော်လည်း ခင်ဗျားကိုပြောချင်တယ်။ ရုံးချိန်အတွင်း ကျွန်တော်ဖြီးလိုက်တဲ့ဆံပင်၊ ညှပ်လိုက်တဲ့ လက်သည်းတွေဟာ ကျွန်တော်ရုံးတက်နေတုန်း ရှည်ထွက်လာတဲ့အရာတွေပါ" သူဌေး..... "ရုံးချိန်အတွင်း ရုံးဖုန်းကိုသုံးပြီး ကိုယ်ရေးကိုယ်တာ မပြောပါနဲ့" ဝန်ထမ်း..... "ဒီလိုဆိုရင် ကျွန်တော်အိမ်မှာ အနားယူနေတုန်း ခင်ဗျားဆက်လာတဲ့ဖုန်းကိုလည်း ကျွန်တော်မကိုင်ဘူး" သူဌေး.... "ကုမ္ပဏီက သုံးဖို့ပေးတဲ့ကားက ကုမ္ပဏီကိစ္စအတွက်သုံးဖို့ပဲ။ မင်းလျှောက်စီး၊ လျှောက်မောင်းဖို့မဟုတ်ဘူး" ဝန်ထမ်း.... "ဒီလိုဆိုရင် ကျွန်တော့်ကို ဖိနပ်အသစ်တရံပေးပါ။ ကုမ္ပဏီကားကို ဂီယာနင်းတဲ့အခါ ကျွန်တော့်ကိုယ်ပိုင်ဖိနပ်ပွန်းသွားမှာ စိုးလို့ပါ..." ဖတ်မိတာလေး ဘာသာပြန်မျှဝေပါတယ် နိုင်းနိုင်းစနေ တွေးတွေးပြီးရယ် (၁) "ရဲဘော်တို့ အားလုံးသတိ" ရဲဘော်တွေ အားလုံးတန်းစီနေကြတယ်။ ခေါင်းဆောင်က စစ်သားတစ်ယောက်ရှေ့သွားပြီး ရင်ဘတ်ကိုပုတ်လိုက်တယ်။ "လေ့ကျင့်ထားတဲ့ ကြွက်သားတွေ တော်တော်တောင့်လာပြီ.. ရဲဘော်ဆက်လုပ်" "ဟုတ်ကဲ့ ဗိုလ်ကြီး ကျွန်မက အမျိုးသမီးစစ်သားပါ" (၂) မွေးမြူရေးသမားတစ်ယောက်က ဝက်မျိုးစပ်ဖို့ တိရစ္ဆာန်ဆရာဝန်ကို ပင့်လာတယ်။ ဆရာဝန် "ကြည့်ရတာ လူအကူနဲ့ မျိုးပွားပေးဖို့လိုပြီ" ဆရာဝန်စကားကြားတော့ လယ်သမားတစ်ချက်တွေဝေသွားတယ်။ ပြီးမှ မရဲသရဲပြောလိုက်တယ်။ "ရတော့ရတယ်ဆရာ.. ဒါပေမဲ့ ကျွန်တော့်ကို ကိုက်မှာစိုးတယ်" (၃) ဘတ်စ်ကားပေါ်မှာ လူတစ်ယောက်လေလည်တယ်။ ဒါကို လှလှပပပြင်ထားတဲ့ မိန်းကလေးတစ်ယောက်က အနံ့ဆိုးရလို့ တံတွေးတပျစ်ပျစ်ထွေးတယ်။ ဒါကို ဘေးမှာရပ်နေတဲ့လူကမြင်တော့ ပြောလိုက်တယ်။ "အီးအီးစားပြီး အခွံထွေးထုတ်နေတာလား?" (၄) တစ်နေ့မှာ "ဝ"နဲ့ "8" လမ်းမှာဆုံကြတယ်။ "8" ကိုတွေ့တော့ "ဝ"ကပြောလိုက်တယ်။ "ဟင်း.......ဝတယ်ဆိုလဲ ဝတာပေါ့. ခါးမှာ ခါးပတ်ပတ်ထားစရာမလိုပါဘူး" (၅) ဘတ်စ်ကားပေါ်မှာ ကိုယ်ဝန်သည်တစ်ယောက်က သူ့ဘေးမှာထိုင်နေတဲ့လူတစ်ယောက်ကို လှမ်းပြောတယ်။ "ကျွန်မမှာ ကိုယ်ဝန်ရှိတာ ရှင်မသိဘူးလား" ကိုယ်ဝန်သည်ရဲ့စကားကိုကြားတော့ အဲဒီလူမှာ ပျာပျာသလဲပြောရှာတယ်။ "ကျွန်.. ကျွန်တော် ကလေးအဖေ မဟုတ်ရပါဘူးနော်" (၆) လူတစ်ယောက် ရုံးတစ်ရုံးထဲ ဒေါသတကြီးဝင်သွားပြီး မေးတယ်။ "ဒါ... တိရစ္ဆာန်ကာကွယ်စောင့်ရှောက်ရေးရုံးလား?" "ဟုတ်တယ်.. ခင်ဗျားကို ဘယ်သူအနိုင်ကျင့်လိုက်သလဲ ပြောပါ..." (၇) အမျိုးသမီးတစ်ယောက် စားသောက်ဆိုင်တစ်ဆိုင်မှာ ထမင်းစားနေတုန်း အင်္ကျီပင့်ပြီး ကလေးကိုနို့တိုက်တယ်။ အဲဒီမှာ ဝန်ထမ်းတစ်ယောက်က နံရံပေါ်ကပ်ထားတဲ့ စာကိုထိုးပြပြီး ပြောတယ်။ "ဆောရီး...... ဒီဆိုင်က အပြင်စာ ယူဝင်ခွင့်မရှိဘူးခင်ဗျား" (၈) အမူးသမားနှစ်ယောက် ရထားသံလမ်းပေါ် တယိမ်းတယိုင် လှမ်းလျှောက်နေတယ်။ ပထမအမူးသမား "တောက်....... ဒီလှေကားက တက်လို့မကုန်နိုင်ပါလား" ဒုတိယအမူးသမား "အေးလေ... လက်ရန်းကလည်း နိမ့်လိုက်တာ" (၉) ဒဿနိကဗေဒပါမောက္ခ "လူတုံး၊ လူအတစ်ယောက်မေးတဲ့မေးခွန်းက လူတော်လူထက် (၁ဝ)ယောက်တောင် မဖြေနိုင်ဘူး" ကျောင်းသား.... "အော်.. ဒါကြောင့် စာမေးပွဲဖြေတိုင်း ငါမဖြေနိုင်တာကိုး" (၁ဝ) သား... "ဖေဖေ... ဘုရားသခင်က ဘာဖြစ်လို့ ယောက်ျားကိုအရင်ဖန်ဆင်းပြီးမှ မိန်းမကို ဖန်ဆင်းရတာလဲ?" အဖေ......"အင်း... ယောက်ျားကိုမဖန်ဆင်းခင် သူ့ဘေးမှာ တဗျစ်တောက်တောက်ရွတ်နေမယ့်မိန်းမ မရှိစေချင်လို့ နေမှာပေါ့" (၁၁) စားသောက်ဆိုင်တစ်ဆိုင်မှာ လင်မယားနှစ်ယောက် မင်္ဂလာနှစ်ပတ်လည်နေ့ ကျင်းပနေတယ်။ ရိုမန်တစ်ဆန်တဲ့ဝန်းကျင်မှာ မယားက ချိုချိုသာသာလေးနဲ့ ယောက်ျားကိုပြောပါတယ်။ "ယောက်ျားရေ... နောင်ဘဝကျရင် ငါ့ကိုနင်ယူဦးမလားဟင်း...!" ဒါကို ယောက်ျားက အားတက်သရော ပြန်ဖြေပါတယ်။ "မိန်းမရေ.. ဒီဘဝမှာ နင်နဲ့ဆုံရတာ ငါ့အတွက် ပျော်ရွှင်ခြင်းတစ်မျိုးပါ။ ဒါပေမဲ့ တစ်ကြိမ်ပဲ ပျော်ပါရစေတော့။ တစ်ခြားလူလည်း ပျော်ရအောင်လို့ နောင်ဘဝကျရင် ဒီပျော်ရွှင်တဲ့အခွင့်အရေးကို တခြားလူဆီ ငါလွှဲခဲ့မယ်" (၁၂) ခင်ပွန်းဖြစ်သူဟာ စာစောင်တစ်ခုဖတ်နေရင်းက မိန်းမကိုလှမ်းပြောတယ်။ "မိန်းမရေ.. တောင်အာဖရိက မိန်းမတွေက ယောက်ျားနဲ့အိပ်ပြီးရင် ယောက်ျားကို ၈ဒေါ်လာပေးရတယ်လို့ စာစောင်ထဲမှာ ရေးထားတယ်။ ဒီလောက်ကောင်းတဲ့ အခွင့်အရေး ငါလက်လွတ်လို့မဖြစ်ဘူး။ မနက်ဖြန်ပဲ ငါတောင်အာဖရိကသွားမယ်" "ကျွန်မလည်း လိုက်မယ်" "နင်က ဘာသွားလုပ်မလို့လဲ?" "တစ်လ ၁၆ ဒေါ်လာလေးနဲ့ ရှင်ဘယ်လို အသက်ဆက်မလဲဆိုတာကို သိချင်လို့ပါ..." (၁၃) အရက်ဆိုင်ဖွင့်ထားတဲ့ ကျောင်းသားတစ်ယောက်က ခရစ္စမတ်ညမှာ ဆရာကို လက်ဆောင်ပစ္စည်းတစ်ခုပေးဖို့ ဆုံးဖြတ်လိုက်တယ်။ လက်ဆောင်ရတော့ ဆရာက လက်ဆောင်သေတ္တာရဲ့အပြင်မှာ အရည်တစ်မျိုးပေနေတာကိုတွေ့တော့ သေတ္တာထဲမှာ ဘာလက်ဆောင် ထည့်ထားမလဲဆိုပြီး ခန့်မှန်းကြည့်လိုက်တယ်။ ဆရာက အရည်ကို လျှာနဲ့တို့ကြည့်ပြီး .... "ဒါ ဘရန်ဒီဖြစ်မယ်" ကျောင်းသား ......... "မဟုတ်ပါဘူး" ဆရာ................... "ဒါဆို ဂျပန်အရက်" ကျောင်းသား ......... "မဟုတ်ပါဘူး" ဆရာ.................. "ဒီလိုဆိုရင် XO ပဲဖြစ်မယ်" ကျောင်းသား......... "မဟုတ်ဘူးဆရာ.. အထဲမှာထည့်ထားတာက ခွေးကလေးတစ်ကောင်ပါ" ဆရာ.................. "&*@&#*@#" (၁၄) တစ်နေ့မှာ လုပ်ဖော်ကိုင်ဖက်က ရီရီကိုမေးတယ်။ "နင် နေ့တိုင်းအလုပ်တက်တော့ နင့်သားကို ဘယ်သူထိန်းလဲ?" "ယောက္ခမထိန်းတယ်လေ" "နင် ကံကောင်းလိုက်တာ.." "ကံကောင်းတာလဲ မဟုတ်ပါဘူး။ နေ့ဆိုရင် ငါ့သားကို ယောက္ခမကထိန်းပေးတယ်။ ညဆိုရင် သူ့သားကို ငါကထိန်းပေးတယ်။ ညီမျှပါတယ် ဟ.." (၁၅) တရုတ်ပြည်မှာ အငယ်ထားတာ ခေတ်စားသတဲ့... ထိုင်ဝမ်ကျွန်းကလူတစ်ယောက် လွန်ခဲ့တဲ့ငါးနှစ်က တရုတ်ပြည်မှာ အငယ်တစ်ယောက်ထားခဲ့တယ်။ အငယ်အတွက် ၄သိန်းတန်အိမ်တစ်လုံး ဝယ်ပေးခဲ့ပြီး လစဉ်လတိုင်း ယွမ် ၃ ထောင်ပေးသုံးခဲ့တယ်။ ဒီတစ်နှစ်မှာ အငယ်နဲ့ သူလမ်းခွဲလိုက်တယ်။ ဝယ်ထားတဲ့အိမ်ကိုရောင်းတော့ ၁၂သိန်းရတယ်။ တွက်ကြည့်တော့ အငယ်ကို ၆နှစ်အလကားတွဲလိုက်ရပြီး ၆သိန်းမြတ်သွားတယ်။ အိမ်မြေရောင်းဝယ်ရေးကို သူကျေးဇူးတင်တယ်။ အငယ်ထားတာဟာ ရင်းနှီးမြှုပ်နှံမှုတစ်ခုလို့ သူဆိုတယ်။ အဲဒီလိုနဲ့ ထိုင်ဝမ်ပြန်ရောက်လို့ ဒီအကြောင်းကို မယားကြီးကသိတော့ သူ့ကိုနားရင်းအုပ်ပြီးဆူတယ်။ "ဘာဖြစ်လို့ အငယ်တစ်ယောက်ပဲ ထားခဲ့သလဲ" တဲ့...